Krýningin og fl. munstur.

Í gærmorgun voru mér gefin þrjú gömul útsaumsmunstur og fylgdi þeim sú saga að þau hefðu verið pöntuð eftir auglýsingu úr Mogganum. Þar sem ég er að eðlisfari svolítill grúskari í mér lagðist ég í leit á blaðinu hjá Landsbókasafninu og fyrir ótrúlega tilviljun fann ég ekki bara eina auglýsingu heldur tvær. Sú fyrri er frá 1949 og hin síðari frá 1966. Það sem vakti athygli mína var nafnið “Álfheiður Ingadóttir“ Í allan gærdag velti ég þessu kunnuglega nafni fyrir mér. Að lokum rofaði til. Álfheiður er þingkona og dóttir konunnar sem gaf út þessi fallegu munstur. Allar þessar fjórar myndir hanga uppi á æskuheimili mínu og prýða þar veggi.

Það fyrsta sem ég heyri í fréttum í morgun, er að þessi kona sem sótti svo á huga minn í gærdag hafi verið valin til að taka við embætti heilbrigðisráðherra. 

Ég segi bara, gangi þér vel.

Athugasemdir

[Sólveig Aradóttir (IP-tala skráð) 2.10.2009 kl. 11:27]

......og þarna er Sofðu rótt............en ekki Gunnhildur kóngamóðir :-)

Bestu kveðjur,

Sólveig.

[Guðný (IP-tala skráð) 2.10.2009 kl. 11:29]

Er hún ekki kölluð ýmist „Sofðu rótt“ eða „Gunnhildur kóngamóðir“?

[Sólveig (IP-tala skráð) 2.10.2009 kl. 19:29]

Hún heitir Sofðu rótt skv. merkingu á mynstri en mjög margir hafa kallað hana Gunnhildi kóngamóður.

Sólveig

[Anna, 5.10.2009 kl. 20:32]

Sæl - þar sem tímamörkin eru liðin á athugasemd við viðkomandi færslu  ætla ég að dásama Bucillahandavinnuna hér.  Fallegt hjá þér Guðný. 

[Guðný (IP-tala skráð) 6.10.2009 kl. 06:38]

Takk fyrir það Anna.