Er Síminn að reyna að næla sér í aukatekjur af búnaði sem við eigum sjálf?

Þessa dagana eru símareikningarnir að berast í hús. Á þeim er nýr innheimtuliður...

leigugjald ADSL beinis Kr. 350.-

Haustið 2004 gerðum við samning um sjónvarpsþjónustu um ADSL hjá Símanum hf. Þurftum við að kaupa svokallaðan Speedtouch beini á kr. 12000.- var hann á léttkaupsgreiðslu (kr.1000.- á mánuði í 12 mánuði) Eins og segir í samningnum

3.6. Þegar kaupandi hefur staðið í skilum á kaupverði mótaldsins að fullu, þá fyrst telst hann vera réttur og löglegur eigandi mótaldsins.

Þess vegna kom mér það á óvart að vera rukkuð um leigugjald af hlut sem ég á sjálf. Ég hringdi í símann og kvartaði yfir þessu og var ekkert mál að fella þetta út.

Hvað skildu margir vera rukkaðir um leigugjald af beinum sem þeir keyptu sjálfir?

 

 

Athugasemdir

[DoctorE (IP-tala skráð) 11.3.2009 kl. 15:47]

Rán um hábjartan dag, mjög margir munu ekki fatta þetta trikk símans.

[Jakob Falur Kristinsson, 11.3.2009 kl. 15:50]

Þetta er gert í skjóli þess að fólk taki ekki eftir þessu, bara borgi.

[Eygló Aradóttir (IP-tala skráð) 11.3.2009 kl. 22:25]

Sæl, ég keypti nú ekki beininn, en eftir að síminn hafði í þrígang hringt í mig og spurt hvort ég virkilega vildi ekki fá hann ókeypis inn á heimilið, þá lét ég tilleiðast líklega í nóv. eða des. 08. Og þeir skyldu nú bara koma með hann og setja hann upp, sem þeir svo sem gerðu.  Svo kom tilkynning um að nú væru þeir farnir að taka 900 kr/mán. gjald fyrir þetta. Í samningnum var gerð krafa um amk. 6 mán. adsl viðskipti við Símann. Ég vildi þá láta það ákvæði falla niður fyrst Síminn er að breyta skilmálum án þess að spyrja mig, en neibbbbb... Ekkert svoleiðis. Svo ég ætla að skila appiratinu og þá þarf ég að fara með dótið sjálf til baka, nú sækja þeir ekki.