Búlgörsk lambakjötssúpa

1 kg frampartur

2 laukar

1 hvítlauksrif

2 msk smjör eða smjörlíki

1/2 msk paprikkuduft

1 dós tómatar eða 1/2 kg nýir

1 msk tómatsósa

1 1/2 l kjötsoð

1 lárviðarblað

1/2 tsk marjoram

3 dl grænar linsur (má vera aðeins minna)

2 paprikkur

salt og pipar

1. Kjötið skorið af beinunum. Skorið á smábita. Búið til soð af beinunum.

2. Laukur og hvítlaukur saxaður og látinn krauma í smjörinu án þess að brúnast. Tekinn upp.

3. Kjötið brúnað. Paprikkuduftinu stráð yfir. Lauknum bætt í aftur ásamt tómatsósu og tómötunum skornum í bita.

4. Þynnt út með síuðu soðinu, lárviðarlaufi og marjorami bætt í og soðið í luktum potti við vægan hita í 30 mínútur.

5. Linsurnar skolaðar í köldu vatni, látið síga vel af þeim og bætt í súpuna. Soðið áfram í 20 mínútur. (Gott er að láta linsurnar liggja í bleyti fyrir suðu)

6. Paprikkan skorin í strimla. Soðin í súpunni í 5 mín. Bragðbætt og borin fram með grófu brauði.

Verði ykkur að góðu

Úr bókinni „Áttu von á gestum“