Glókollur

Á þessum degi fyrir all mörgum árum eignaðist ég lítinn glókoll , sem síðan óx úr grasi og flutti að heiman, Þó aðstæður séu eins og þær eru í dag og ég fái kannski bágt fyrir, ætla ég að leyfa mér að óska honum til hamingju með afmælisdaginn. Það tekur enginn af mér minningar og myndir, þær á ég sjálf.

Ég gleymi ekki afmælisdegi barnanna minna

 

Sofðu nú sonur minn kær, senn kemur nótt

úti hinn blíðast blær, bærist svo hljótt

Útí hið kyrrláta kvöld, kveð ég minn óð

sem fléttast við fallandi öldurnar fegurstu ljóð

Í svefnhöfgans sætleika er svifin þín önd

gæti þín Glókollur minn, guðsmilda hönd

Dýrðlegum draumheimi í dvel þú um stund

uns morgunsól blíðlega brosir mót blómstrandi grund  

Athugasemdir

[Sólveig Arad (IP-tala skráð) 22.12.2008 kl. 22:17]

Guðný mín,

Innilegar hamingjuóskir með daginn ykkar mæðgina - við eigum jú líka alltaf þessa afmælisdaga með ungunum okkar.  Fallegt ljóðið sem þú lætur fylgja með - betri gerast varla óskir mæðra til unganna sinna.

Bestu kveðjur í vestrið,

Sólveig í suðrinu.