Glatkistan

 

Í morgun fórum við í það að hreinsa frystikistuna og eins og allir vita sem eiga þannig grip vill ýmislegt safnast upp í þeim eða réttara sagt niður á botninn. Þar kenndi ýmissa grasa, t.d. poki með ýmsum kjötvörum sem vinkona mín færði mér síðla sumars en innihaldið hafði ég ekki kannað neitt að ráði heldur skellti bara pokanum í frost þegar hún kom með hann og svo bara gleymdist þetta eins og svo margt annað sem fer í þessar kistur. Jæja í morgun var svo innihaldið skoðað og hvað haldið þið að hafi komið upp??????? „heitreykt gæsabringa“ jummí, þvílíkt lostæti, þetta er þvílíkt sælgæti að maður tímir varla að borða það. Nú þarf ég bara að verða mér úti um uppskrift að þessu gúmmelaði og setja þennan á óskalistann, hann kostar svipað og kíló af reyktri bringu.

  

Athugasemdir

[Sólveig Ara (IP-tala skráð) 25.8.2008 kl. 23:13]

Mikið er ég fegin að þú fannst þetta nammi en ekki eins og í gamla daga þegar hún systir mín var send niður með tvo poka, annar var ruslapokinn en hinn innihélt magál eða eitthvað góðgæti sem geyma átti þar til ég mætti heim. Og svo þegar ég kom heim var nú drifið í því að sækja góðgætið í fyrstikistuna........og þar var gramsað og gramsað og hvert stykki tekið uppúr en ekkert fannst sem leitað var að......en ruslapokinn fannst þarna vel geymdur..........úff.  Svona reykofn færðu í veiðivöruverslunum, sennilega í Vesturröst.........finnst ég hafi séð slíka þar.

Bestu kveðjur og njóttu heitreyktu gæsabringunnar.......hún er lostæti.

Sólveig.

[Birna Mjöll Atladóttir, 28.8.2008 kl. 12:01]

Næst þegar þér verður gefið eitthvað þá kíkirðu nú í posann áður en þú hendir honum í frost.

Mikið ansk......ertu dugleg að blogga.

kv

Besta

[Anna, 29.8.2008 kl. 22:35]

Maður fær nú vatn í munninn - flott steik - vona að þú finnir góða uppskrift