Mæðradagur

 

Mæðradagurinn á rætur sínar að rekja  í Bandaríkjunum 1907 þegar kona að nafni Anne M. Jarvis, missti móður sína í maí 1905 og minntist árstíðar hennar, eins og við gerum öll þegar við missum einhvern sem okkur þykir vænt um. Hún hvatti alla til að minnast mæðra sinna og svipaðan hátt og hvatti áhrifamenn að helga annan sunnudag í maí mæðrum. Þann 8. maí 1914 lýsti Bandaríkjaþing að annar sunnudagur í maí skyldi teljast opinber hátíðisdagur, helgaður mæðrum. Til Íslands berst þessi siður og hér á landi er fyrsti mæðradagurinn haldinn hátíðlegur síðasta sunnudag maí 1934 fyrir tilstuðlan mæðrastyrksnefndar. Ekki er vitað af hverju síðasti sunnudagurinn í maí var valinn en líklegt er að hann hafi orðið fyrir valinu vegna hættu á vorkulda en þennan dag gengu börn í hús og seldu blóm til stryktar fátækum mæðrum. Gjarnan voru blómin gerviblóm, heimagerð af mæðrunum sjálfum. Árið 1980 var mæðradagur haldinn annan sunnudag í maí og hefur verið það æ síðan.