Kvöldgestir

Hlustaði á þátt Jónasar Jónassonar í gærkvöldi en þar ræddi hann við Ingibjörgu Helenu Verner um sjúkdóminn „perthes” sem hún greindist með. Eftir að hafa hlustað á lýsingar hennar og það sem hún hefur þurft að ganga í gegn um, tel ég mig hafa verið ljónheppna. Hannes Finnbogason læknir kom hingað þegar ég var 8 ára og greindi mig með perthes. Var ég gifsuð frá mitti og niður á ökla á báðum fótum og var látin liggja þannig í 6 mánuði. Ingibjörg talar um hvað henni hafi leiðst á sjúkrahúsinu, því var öfugt farið með mig og ég man fyrsta kvöldið eftir að ég kom heim, hvað mig langaði upp á sjúkrahús að sofa. Það hefur ekki verið neinn dans á rósum að burðast með þessa bæklun, leikfimin var erfið en stundum ágætis afsökun þegar maður nennti ekki. En einhvern veginn druslaðist maður með sínum jafnöldrum og aldrei varð ég fyrir einelti.

Ég í mínu gifsi

 

Athugasemdir

[Anna, 5.5.2008 kl. 22:50]

Þetta hefur erfitt fyrir 8 ára stelpuskott.