17. janúar 1914

 

Hf. Eimskipafélag Íslands var stofnað árið 1914. Félagið var fyrsta skipafélag á Íslandi og stofnendur þess voru rúmlega 14.000 sem á þeim tíma var meira en 15% þjóðarinnar. Siglingar hófust árið 1915 og Gullfoss var fyrsta skip félagsins
Í fyrstu voru skip Eimskipafélagsins aðeins í siglingum milli Íslands og Danmerkur og meðfram ströndum Íslands. Á árum fyrri heimsstyrjaldar, þegar siglingaleiðin til Evrópu lokaðist, var um tíma siglt til Bandaríkjanna. Eftir að friður komst á voru hafnar að nýju siglingar til Danmerkur með viðkomu í Leith í Skotlandi. Á næstu árum sigldu skipin jafnframt til borganna Hull og Lundúna á Englandi, Hamborgar í Þýskalandi og Antwerpen í Belgíu.