Skálmarnes er ekki á Barðaströnd

Barðaströnd er heiti á strandlengju á sunnanverðum Vestfjörðum að Breiðafirði á milli Vatnsfjarðar og Sigluneshlíða.

Sinubruni á Ingunnarstöðum

Athugasemdir

[Ásta (IP-tala skráð) 14.7.2010 kl. 12:05]

Fólk frá Skálmarnesi er líka mjög duglegt að leiðrétta þessa algengu rangfærslu enda heimamenn frekar móðgaðir að vera kenndir við Barðaströnd sínkt og heilagt.

Þú Guðný áttir nú nöfnur þarna á nesinu á meðan það var í byggð enda kannski tengd staðnum eða fólkinu þar?

[Guðný , 14.7.2010 kl. 15:23]

Það fer afskaplega í taugarnar á mér að fréttafólk tali jafnvel um Barðaströnd alla leið austur í Bjarkalund.

Barnsfaðir minn er af Múlanesinu.

[Jón Bragi Sigurðsson, 14.7.2010 kl. 16:03]

Það er sama sagan með Strandir. Fólk hefur tilhneigingu til að kalla alla Strandasýsluna Strandir alveg suður í Hrútafjörð. Ég er nú hættur að nenna að röfla útaf því, fannst það stríð vera löngu tapað en það er kannske bara leti og kæruleysi og ég styð ykkur í baráttunni.

Nú er það löngu algilt að kalla alla sem búa í Strandasýslu "Strandamenn". Veit ekki hvort það getur talist rétt. Getur maður t.d. kallað sig "Barðstrending" ef maður býr á Reykhólum?

Bestu kveðjur

[Ásta (IP-tala skráð) 14.7.2010 kl. 16:35]

Mér datt í hug að þú hefðir einhver tengsl við staðinn. Tengdafaðir minn var borinn og barnfæddur þarna svo börnin mín eiga einnig ættir að rekja á nesið. 

Sjálf er ég reyndar úr Djúpinu en á þó tengsl norður á strandir ef grannt er að gáð þó varla teljist ég til Strandamanna. 

[Guðný , 14.7.2010 kl. 18:45]

Ég er alveg handviss um að Reykhólabúar kalla sig ekki Barðstrendinga...enda finnst mér það ekki rétt þó vissulega búi þeir í Barðastrandarsýslu. Barðstrendingur er sá sem býr á Barðaströnd, s.s. á milli Vatnsfjarðar og Sigluness.

P.S. Aldrei að gefast upp.